من زمان وإحنا دايما نسمع الأغاني الوطنية بتاعتنا
اللي دايما تحسسك إن معاك جنسية مخلياك على راسك ريشة وسط الأمم
وإنك لو رحت أي بلد تقدر تتفشخر على أي حد من البلاد التانية..
إنت مصري يابني مش واخد بالك ولا إيه؟
ده حتى مصر دي أمك ونيلها جوة دمك وفي نفس الوقت مصر أم الدنيا.. يعني إنت والدنيا إخوات لزم
بس لو إنت مركز شوية.. هتلاقي إن في شوية اختلافات بين الأغاني الوطنية زمان والأغاني الوطنية دلوقتي.. وهتلاقيها معبرة عن حالة المجتمع في الوقت ده
هديك مثال..
زمان كنت تعرف الأغنية الوطنية من الإيقاع اللي معمول مارش عسكري
دُم تَك دُم تَك دُم تَك دُم تَك دُم تَك دُم تَك
كان كفاية الإيقاع بس عشان تحس إنك هتلم هدومك وتطلع على الجبهة عشان تحارب
دلوقتي بقى.. الإيقاعات بقت آخر شخلعة
دم دم تتتك دم تتتك تك دم دم تتتك دم تتتك تك
تسمعها من هنا وتبقى عايز تقوم ترقص
طيب أديك مثال تاني ..
زمان كان الناس كلها تقريبا ما تعرفش حاجة عن الحجاب (كان مجرد جزء من اللبس البلدي للناس البلدي لا مؤاخذة)
عشان كده كان عبد الحليم حافظ بيقول "وبلدنا ع الترعة بتغسل شعرهاااا"
دلوقتي تلات أرباع بنات البلد لابسين حجاب (هو طبعا نصهم لابسين حجاب زي قلته .. بس آهم لابسين)
فكان لازم تلاقي حمادة هلال بيقول "الكل طاير م الفرحة... ومصر لابسالنا الطرحة"
المهم ما أطولش عليكوا..
رغم الاختلافات دي لكن كل الأغاني دي اتفقت في حاجتين..
الأولانية : الفشخرة والقنعرة والنفخة الكدابة على خلق الله
والتانية : الكلام .. مجرد كلام بيتقال .. لكن ساعة الفعل.. محدش له دعوة
يعني عندك أغنية الوطن الأكبر بتقول:
وطني حبيبي الوطن الأكبر.. يوم ورا يوم أمجاده بتكبر
وانتصاراته مالية حياته... وطني بيكبر وبيتحرر
وطنييييي وطنييييييييييي
"ده مش إعلان عن الحزب الوطني على فكرة"
طبعا هتلاقي وطني حبيبي ده كل يوم بيصغر .. ويصغر.. ويصغر..
وأمجاده دي مش موجودة أساسا.. وكمان مش عارف فين انتصاراته اللي هي - في نفس الوقت - مالية حياته.. طيب حد يشاورلي كده على انتصاراية واحدة
وفي الآخر يقول لك بيتحرر.. إذا كان انت هتلاقي الدول العربية يا إما أمريكا محتلاها.. يإما رؤسائها محتلينها
"معظم الدول العربية.. مش كلها عشان نبقى في السليم"
ولا قصدهم بيتحرر يعني بيبقى حر؟.. لو كده يبقى عندهم حق .. النهاردة حر فعلا
عندك برضه كانوا بيقولوا:
عاش الجيل الصاعد يوم ما طلب العلم سلاااااااااح
عرف العلم وسيلة تحقق غاية كل نجاااااااح
طبعا سيادتك ادخل أي مدرسة ثانوي عام "بس تكون مدرسة خاصة" أو ادخل مدرسة ثانوي صناعي أو تجاري..
واعمل امتحان إملاء.. هتلاقي نص الطلبة كاتبين الكلام كله غلط.. ولا هتلاقي علم ولا بتاع.. وحصل قبل كده إن ممرضة ماكانتش عارفة تكتب اسمي..
وواحد صاحبي كتبتله حرف الـ "ذ" .... فبيقوللي: لأ.. أنا قصدي الذال اللي شبه الـ "ر" دي
عموما ساعتها تحمد ربنا إنك لقيت الطلبة في المدرسة أساسا.. يعني ما كانوش نطوا من على السور ولا حاجة
نيجي بقى للأجيال اللي بعد كده بشوية
هتلاقي محمد ثروت بيقولك
مصر يا أول نور في الدنيا .. شق ظلام الليل "أن آآآآآن"
احسب عمر النور في الدنيا.. يطلع عمر النيل "أن آآآآآن"
ويكمل لك بعد كده
يا بلد الفدا... والنور والهدى
لو ميلتي كده الدنيا تميل
ياااااا سلام.... يعني هو عشان الآثار بتاعة مصر هي اللي موجودة يبقى هي أول دولة في العالم؟ ماااااااااشي مش مشكلة
لكن تيجي تقول لي لو مالت "كده" .. في ساعتها الدنيا تميل؟
أمال أنا ليه شايفها مايلة لحد ما قربت "تتكفي" على بوزها
.. وغيرنا عمال يطلع فوق...فوق
بيني وبينكوا في أغنية في النص كده فيها كلام صح.. وكلام غلط
مصر هي أمي .. نيلها جوة دمي
شمسها في سماري... "مش عارف إيه كده" في ملامحي
حتى لوني قمحي لون خيرك يا مصر
السطر الأولاني صح طبعا.. النيل في دم المصريين على طول
عشان كده لما كان نضيف كان المصريين كويسين.. لكن لما اتلوث وطلع عينه.. بقى التلوث ده في دم المصريين.. فبقى عندهم فيروس سي والسرطان على قفا مين يشيل "اللهم احفظنا جميعا"
لكن تيجي بقى للسطر التالت... يعني هو عشان القمح ده من مصر فأنا طلعت مصري؟
طيب دلوقتي القمح ده بنجيبه من أمريكا.. يا إما بالديون يا إما معونة "كسر عين يعني"
يبقى إحنا أمريكيين دلوقتي ؟
اللي دايما تحسسك إن معاك جنسية مخلياك على راسك ريشة وسط الأمم
وإنك لو رحت أي بلد تقدر تتفشخر على أي حد من البلاد التانية..
إنت مصري يابني مش واخد بالك ولا إيه؟
ده حتى مصر دي أمك ونيلها جوة دمك وفي نفس الوقت مصر أم الدنيا.. يعني إنت والدنيا إخوات لزم
بس لو إنت مركز شوية.. هتلاقي إن في شوية اختلافات بين الأغاني الوطنية زمان والأغاني الوطنية دلوقتي.. وهتلاقيها معبرة عن حالة المجتمع في الوقت ده
هديك مثال..
زمان كنت تعرف الأغنية الوطنية من الإيقاع اللي معمول مارش عسكري
دُم تَك دُم تَك دُم تَك دُم تَك دُم تَك دُم تَك
كان كفاية الإيقاع بس عشان تحس إنك هتلم هدومك وتطلع على الجبهة عشان تحارب
دلوقتي بقى.. الإيقاعات بقت آخر شخلعة
دم دم تتتك دم تتتك تك دم دم تتتك دم تتتك تك
تسمعها من هنا وتبقى عايز تقوم ترقص
طيب أديك مثال تاني ..
زمان كان الناس كلها تقريبا ما تعرفش حاجة عن الحجاب (كان مجرد جزء من اللبس البلدي للناس البلدي لا مؤاخذة)
عشان كده كان عبد الحليم حافظ بيقول "وبلدنا ع الترعة بتغسل شعرهاااا"
دلوقتي تلات أرباع بنات البلد لابسين حجاب (هو طبعا نصهم لابسين حجاب زي قلته .. بس آهم لابسين)
فكان لازم تلاقي حمادة هلال بيقول "الكل طاير م الفرحة... ومصر لابسالنا الطرحة"
المهم ما أطولش عليكوا..
رغم الاختلافات دي لكن كل الأغاني دي اتفقت في حاجتين..
الأولانية : الفشخرة والقنعرة والنفخة الكدابة على خلق الله
والتانية : الكلام .. مجرد كلام بيتقال .. لكن ساعة الفعل.. محدش له دعوة
يعني عندك أغنية الوطن الأكبر بتقول:
وطني حبيبي الوطن الأكبر.. يوم ورا يوم أمجاده بتكبر
وانتصاراته مالية حياته... وطني بيكبر وبيتحرر
وطنييييي وطنييييييييييي
"ده مش إعلان عن الحزب الوطني على فكرة
"طبعا هتلاقي وطني حبيبي ده كل يوم بيصغر .. ويصغر.. ويصغر..
وأمجاده دي مش موجودة أساسا.. وكمان مش عارف فين انتصاراته اللي هي - في نفس الوقت - مالية حياته.. طيب حد يشاورلي كده على انتصاراية واحدة
وفي الآخر يقول لك بيتحرر.. إذا كان انت هتلاقي الدول العربية يا إما أمريكا محتلاها.. يإما رؤسائها محتلينها
"معظم الدول العربية.. مش كلها عشان نبقى في السليم
"ولا قصدهم بيتحرر يعني بيبقى حر؟.. لو كده يبقى عندهم حق .. النهاردة حر فعلا
عندك برضه كانوا بيقولوا:
عاش الجيل الصاعد يوم ما طلب العلم سلاااااااااح
عرف العلم وسيلة تحقق غاية كل نجاااااااح
طبعا سيادتك ادخل أي مدرسة ثانوي عام "بس تكون مدرسة خاصة" أو ادخل مدرسة ثانوي صناعي أو تجاري..
واعمل امتحان إملاء.. هتلاقي نص الطلبة كاتبين الكلام كله غلط.. ولا هتلاقي علم ولا بتاع.. وحصل قبل كده إن ممرضة ماكانتش عارفة تكتب اسمي..
وواحد صاحبي كتبتله حرف الـ "ذ" .... فبيقوللي: لأ.. أنا قصدي الذال اللي شبه الـ "ر" دي
عموما ساعتها تحمد ربنا إنك لقيت الطلبة في المدرسة أساسا.. يعني ما كانوش نطوا من على السور ولا حاجة
نيجي بقى للأجيال اللي بعد كده بشوية
هتلاقي محمد ثروت بيقولك
مصر يا أول نور في الدنيا .. شق ظلام الليل "أن آآآآآن"
احسب عمر النور في الدنيا.. يطلع عمر النيل "أن آآآآآن"
ويكمل لك بعد كده
يا بلد الفدا... والنور والهدى
لو ميلتي كده الدنيا تميل
ياااااا سلام.... يعني هو عشان الآثار بتاعة مصر هي اللي موجودة يبقى هي أول دولة في العالم؟ ماااااااااشي مش مشكلة
لكن تيجي تقول لي لو مالت "كده" .. في ساعتها الدنيا تميل؟
أمال أنا ليه شايفها مايلة لحد ما قربت "تتكفي" على بوزها
.. وغيرنا عمال يطلع فوق...فوقبيني وبينكوا في أغنية في النص كده فيها كلام صح.. وكلام غلط
مصر هي أمي .. نيلها جوة دمي
شمسها في سماري... "مش عارف إيه كده" في ملامحي
حتى لوني قمحي لون خيرك يا مصر
السطر الأولاني صح طبعا
.. النيل في دم المصريين على طولعشان كده لما كان نضيف كان المصريين كويسين.. لكن لما اتلوث وطلع عينه.. بقى التلوث ده في دم المصريين.. فبقى عندهم فيروس سي والسرطان على قفا مين يشيل "اللهم احفظنا جميعا"
لكن تيجي بقى للسطر التالت... يعني هو عشان القمح ده من مصر فأنا طلعت مصري؟
طيب دلوقتي القمح ده بنجيبه من أمريكا.. يا إما بالديون يا إما معونة "كسر عين يعني"
يبقى إحنا أمريكيين دلوقتي ؟
ندخل بقى على الأغاني اللي كلها فرفشة..
ساعة الانتخابات الرئاسية.. زي ما يكونوا حسوا إن المصريين ما بقوش مصريين.. فقالوا نديهم جرعة وطنية بكام أغنية كده في العضل.. عشان يروحوا ينتخبوا "اللي هيخدم مصر"
هتلاقي عندك
ارمي حمولك عليا.. وأنا أشيل عنك شوية
يا مصر يا أغلى عندي .. من كل الدنيا دية
كتر خيرك يا راجل.. ده مش بيحب مصر بس.. مش عايز يساعد مصر بس..
ده الراجل داخل بصدره وعايز مصر ترمي حمولها عليه..
وهو هيشيل شوية كده لحد ما مصر ترتاح من الحمل ده وبعدين تكمل..
هتلاقي عندك برضه
مصر اللي بتضمنا.. نبض الحياة في دمنا
نوهب عشانها حياتنا ... لو كنا بنحبها
"بعد كده بشوية"
عايزة الإيدين تعلي ... وإيدين لفوق تصلي
وعيون صاحية تخلي ... بالها من أرضها
طبعا كلكوا عارفين إن اللي هيشيل حمول مصر ده و اللي عايز عيون صاحية عشان تخلي بالها من أرضه.. الاتنين ضربوا شهادات إعفاء من الجيش..
نيجي بقى لمسك الختام .. ده مش كلامي .. ده كلام كل اللي سمعوا الأغنية
ما شربتش من نيلها؟.. جربت تغنيلها؟
جربت في عز ما تحزن تمشي في شوارعها وتشكيلها
غالية بلدنا علينا.. وهتفضل في عينينا
ومادام بنحب بلدنا يبقى هتتغير بإيدينا
إحنا اللي نعليها.. بإيدينا نخليها
أجمل لينا ولولادنا مهما العمر يعدي علينا
الكلمات بصراحة كويسة..
طبعا بغض النظر عن الناس اللي بتشرب من نيلها مية مخلوطة بالصرف الصحي..
وبغض النظر برضه عن الناس الكتير اللي ماشية تشتكي في الشوارع لمصر اللي بنقول عليهم مجانين وبيكلموا نفسهم دول..
فالكلمات كويسة
خصوصا إن إحنا هنعليها، وكمان هنخليها أجمل لينا - أيوة دي شايفينها في الواقع- ولولادنا "وخلوا بالكوا من ولادنا دي"
عشان كده المغنية دي لما جت تولد سافرت أمريكا عشان ابنها ياخد الجنسية الأمريكية..
عشان الجنسية المصرية بقت سوفاج ..
ساعة الانتخابات الرئاسية.. زي ما يكونوا حسوا إن المصريين ما بقوش مصريين.. فقالوا نديهم جرعة وطنية بكام أغنية كده في العضل.. عشان يروحوا ينتخبوا "اللي هيخدم مصر
"هتلاقي عندك
ارمي حمولك عليا.. وأنا أشيل عنك شوية
يا مصر يا أغلى عندي .. من كل الدنيا دية
كتر خيرك يا راجل.. ده مش بيحب مصر بس.. مش عايز يساعد مصر بس..
ده الراجل داخل بصدره وعايز مصر ترمي حمولها عليه..
وهو هيشيل شوية كده لحد ما مصر ترتاح من الحمل ده وبعدين تكمل..
هتلاقي عندك برضه
مصر اللي بتضمنا.. نبض الحياة في دمنا
نوهب عشانها حياتنا ... لو كنا بنحبها
"بعد كده بشوية"
عايزة الإيدين تعلي ... وإيدين لفوق تصلي
وعيون صاحية تخلي ... بالها من أرضها
طبعا كلكوا عارفين إن اللي هيشيل حمول مصر ده و اللي عايز عيون صاحية عشان تخلي بالها من أرضه.. الاتنين ضربوا شهادات إعفاء من الجيش..
نيجي بقى لمسك الختام .. ده مش كلامي .. ده كلام كل اللي سمعوا الأغنية
ما شربتش من نيلها؟.. جربت تغنيلها؟
جربت في عز ما تحزن تمشي في شوارعها وتشكيلها
غالية بلدنا علينا.. وهتفضل في عينينا
ومادام بنحب بلدنا يبقى هتتغير بإيدينا
إحنا اللي نعليها.. بإيدينا نخليها
أجمل لينا ولولادنا مهما العمر يعدي علينا
الكلمات بصراحة كويسة..
طبعا بغض النظر عن الناس اللي بتشرب من نيلها مية مخلوطة بالصرف الصحي..
وبغض النظر برضه عن الناس الكتير اللي ماشية تشتكي في الشوارع لمصر اللي بنقول عليهم مجانين وبيكلموا نفسهم دول..
فالكلمات كويسة
خصوصا إن إحنا هنعليها، وكمان هنخليها أجمل لينا - أيوة دي شايفينها في الواقع
- ولولادنا "وخلوا بالكوا من ولادنا دي"عشان كده المغنية دي لما جت تولد سافرت أمريكا عشان ابنها ياخد الجنسية الأمريكية..
عشان الجنسية المصرية بقت سوفاج ..
ليست هناك تعليقات:
إرسال تعليق