فكرة التدوينة دي مش فكرتي..
وهي إن كل واحد يكتب ست أسرار عن نفسه، وبعدين يعمل زي "tag" لستة تانيين يكتبوا عن نفسهم
اتعمل لي "التاج" التمام.. وكتبت
وبعدين قلت أكتب الكلام ده هنا
وهي إن كل واحد يكتب ست أسرار عن نفسه، وبعدين يعمل زي "tag" لستة تانيين يكتبوا عن نفسهم
اتعمل لي "التاج" التمام.. وكتبت
وبعدين قلت أكتب الكلام ده هنا
اضطريت أغير الفكرة شوية.. لأن ما عنديش أسرار كتير.. واللي عندي ما يهمش حد إنه يعرفه
تاني حاجة.. لأني فقدت القدرة على إني أقول أي سر عندي لأي حد
بعد عدة تجارب، سواء مع أصدقاء، أو مع أقارب.. عرفت إن السر اللي بيطلع مني، ما بقاش سر.. عمري ما قلت لحد حاجة على إنها حاجة بينا وبين بعض.. ولقيتها فضلت كده فعلا.. والحمد لله ما كنتش بأقول غير اللي لو اتعرف مش هيعمل لي مشكلة أو يسبب لي صدمة (أكتر من صدمة إفشاء "السر")
عشان كده هاكتب 6 حاجات عن نفسي وخلاص
تاني حاجة.. لأني فقدت القدرة على إني أقول أي سر عندي لأي حد
بعد عدة تجارب، سواء مع أصدقاء، أو مع أقارب.. عرفت إن السر اللي بيطلع مني، ما بقاش سر.. عمري ما قلت لحد حاجة على إنها حاجة بينا وبين بعض.. ولقيتها فضلت كده فعلا.. والحمد لله ما كنتش بأقول غير اللي لو اتعرف مش هيعمل لي مشكلة أو يسبب لي صدمة (أكتر من صدمة إفشاء "السر")
عشان كده هاكتب 6 حاجات عن نفسي وخلاص
1
العبد لله واحد عادي جدا من الطبقة المتوسطة.. ممكن نقول المرتاحة إن جاز التعبير
2
كنت من النوع اللي بيعيط بسهولة جدا وهو صغير.. اتقال لي إن ده عيب وما يصحش، والراجل ما يعيطش.. الراجل لازم يبقى جامد
الحمد لله ما بقيتش باعيط..
خالص..
مهما حصل.. حتى في حالات الوفاة القريبة مني جدا..
وحتى لو كان حزني عليها مخليني في حالة سيئة جدا جدا
لما الدنيا بتسود في وش الواحد -زي اليومين دول كده- الواحد بيحس وكأن صدره مربوط..
متكتف..
مش قادر ياخد حتى النَفَس..
وما باحبش أشتكي لحد عشان ما أصيبش أي حد بحالة الاكتئاب اللي عندي.. وبالتالي تزيد الربطة والخنقة والتكتيفة
لكن البكاء؟ خلاص.. كان زمان
متهيألي ده هيخليني أخد استمارة 6 بدري بدري والله أعلم
خالص..
مهما حصل.. حتى في حالات الوفاة القريبة مني جدا..
وحتى لو كان حزني عليها مخليني في حالة سيئة جدا جدا
لما الدنيا بتسود في وش الواحد -زي اليومين دول كده- الواحد بيحس وكأن صدره مربوط..
متكتف..
مش قادر ياخد حتى النَفَس..
وما باحبش أشتكي لحد عشان ما أصيبش أي حد بحالة الاكتئاب اللي عندي.. وبالتالي تزيد الربطة والخنقة والتكتيفة
لكن البكاء؟ خلاص.. كان زمان
متهيألي ده هيخليني أخد استمارة 6 بدري بدري والله أعلم
3
بادرس الطب
أحيانا باحس إني عملت أغبى اختيار ليّ في حياتي
وأحيانا باحس إن هو ده الاختيار الوحيد المناسب.. ما كنتش هانفع في مجال تاني
في سنة سادسة.. وما زلت شاكك في صحة القرار ده!!
في سنة سادسة.. وما زلت شاكك في صحة القرار ده!!
4
مريت بكذا هواية
مريت بكذا هواية
لما كنا بناخد رسم في المدرسة حاولت أرسم بجد.. وخدت فعلا 20/20 في تالتة إعدادي
لكن انقطعت الصلة من ساعتها بيني وبين الرسم إلا شوية شخابيط كده
كان عندي أورج صغير في البيت..
كنت باعرف أعزف عليه شوية كده، لكن برضه ما اهتمتش بالموضوع إني أدرس بطريقة احترافية أكتر.. لسة لحد دلوقتي باقعد مع نفسي كده.. بس مش بالاهتمام الكامل
حاليا باكتب أي حاجة تيجي في دماغي وأحطها في المدونة اللي تقريبا كنت أنا الزائر الوحيد ليها
بس الحمد لله دلوقتي انتشرت وبقى ليا اتنين من المتابعين
:)
بس الحمد لله دلوقتي انتشرت وبقى ليا اتنين من المتابعين
:)
أدمنت مؤخرا كل ما يتعلق بالكومبيوتر أو الإنترنت..
وبدأ الموضوع يتنقل لمرحلة الهوس بكل جديد في الحاجات دي
بس الحمد لله في حاجات كتير محجماني.. وربنا يستر
حبيت القراءة اللي بجد على كَبَر.. لكن القراءة اللي "أي كلام" كانت وأنا صغير
كنت باقرا فلاش وسماش بس..
ما مريتش برجل المستحيل وملف المستقبل زي باقي الناس :)
ما مريتش برجل المستحيل وملف المستقبل زي باقي الناس :)
ولما كبرت ما بقيتش عارف إيه الهبل اللي كنت باقراه ده
لكن دايما شايل لخالد الصفتي "كاتب فلاش وسماش" جـِميل إنه عودني أمسك كتاب وأقراه.. ودي لوحدها كفاية
باحس إن تعدد الهوايات ده هو اللي مخليني مش بالقوة الكافية في ولا واحدة منهم
بس بارجع وأقول ما دمت مش هاشتغل بيهم ولا هادخل منافسات مثلا.. والموضوع مجرد تسالي
يبقى خلاص.. المهم الواحد بيبقى مبسوط
5
باحب القعدة الحلوة.. وأكره أي زيارة يكون الناس فيها "منشيين".. ويمكن واخد الحكاية دي من أهلي من الناحيتين
ورغم كده ممكن أتضايق بسهولة لو الموضوع دخل في سكة التريقة.. حتى وأنا متأكد إنه هزار، خصوصا إني باكره التريقة على أي شخص عموما ما دام مش موجود.. مش التريقة عليا أنا بس.. وبرضه رغم كده بانسى بسهولة أحيانا
وباعمل نفسي مش واخد بالي أحيانا
ووشي بيتغير كثيرا!
للأسف ما باعرفش أمثل إني باحب فلان وأنا ما باحبوش، وما عرفتش الموضوع ده غير قريب
كان مفروض عليا البقاء مع ناس مش بارتاح لهم، واتعاملت معاهم عادي جدا.. بس اكتشفت إني كان واضح عليا جدا
واتقال لي نفس المعنى من كذا حد في كذا مناسبة..
اللي باحب وجودي معاه بيبان عليا.. واللي ما بارتاحلوش بيبان عليا برضه
مش عارف دي كده ميزة.. لأني كده أبقى صريح
ولا عيب.. لأني كده ممكن أبقى مش مُجامل كفاية!
وباعمل نفسي مش واخد بالي أحيانا
ووشي بيتغير كثيرا!
للأسف ما باعرفش أمثل إني باحب فلان وأنا ما باحبوش، وما عرفتش الموضوع ده غير قريب
كان مفروض عليا البقاء مع ناس مش بارتاح لهم، واتعاملت معاهم عادي جدا.. بس اكتشفت إني كان واضح عليا جدا
واتقال لي نفس المعنى من كذا حد في كذا مناسبة..
اللي باحب وجودي معاه بيبان عليا.. واللي ما بارتاحلوش بيبان عليا برضه
مش عارف دي كده ميزة.. لأني كده أبقى صريح
ولا عيب.. لأني كده ممكن أبقى مش مُجامل كفاية!
6
باحب السواقة جدا.. خصوصا على الطرق المفتوحة
ورغم كده ما باحبش الجري بالعربية
:)
أحب أشغل أي حاجة جنبي وأعيش مع الطريق.. وأعيش مع نفسي
أحب أشغل أي حاجة جنبي وأعيش مع الطريق.. وأعيش مع نفسي
هناك 11 تعليقًا:
الموضوع ده يندرج تحت بند ... "شهوة الحديث عن النفس"
:)))))
أقولك أنا بقى سر ... أنا نفسي أطلع في برنامج و المذيع يسألني أسئلة كتيييييييرعن حياتي وأقول آرائي بقى وكده :)
وده طبعا على أساس إني أهم من الجبنة النستو :))
بالنسبة لسرك نمرة (2)
أنا مشفقة عليك ! .. وأكبر غلطة أهل الولد بيعملوها فيه إنهم يقولوله "الرجالة مبتعيطش" .. العياط مريح جدا وإنت أكيد عارف ده ، مش عارفة أقولك إيه بس الله يكون في عونك ..
بالنسبة لسرك نمرة (4)
"باحس إن تعدد الهوايات ده هو اللي مخليني مش بالقوة الكافية في ولا واحدة منهم .. بس بارجع وأقول ما دمت مش هاشتغل بيهم ولا هادخل منافسات مثلا.. والموضوع مجرد تسالي يبقى خلاص.. المهم الواحد بيبقى مبسوط"
بالظبط كده ... طالما إنت مبسوط بأي حاجة يبقى وقتك مش ضايع ، إن شالله حتى بتلعب بليّ :))
بالنسبة لسرك نمرة (5)
أيوه ده عيب ، عشان إحنا للأسف في زمن مطلوب مننا فيه نجامل و ندادي و نطبطب عشان أمورنا تمشي ، وحتى لما بحاول أعمل كده بيبان في عيني جدا إني مش طايقة الشخص اللي بكلمه وبحاول أكون لطيفة معاه ، فبلاقي وشه اتقلب وبيقولي "مالك ؟" لأني فعلا باين في عينيا الحقيقة ..
ومبدأ "أخسر العالم ولا اخسر نفسي" بيكلفنا كتير أوي ..... أوي !
((الموضوع ده يندرج تحت بند ... "شهوة الحديث عن النفس"))
فعلا
بس بصراحة يعني اتعمل لي التاج في مايو 2009 تقريبا.. فضلت لحد نص 2010 لحد ما كتبت
ما كنتش عارف إيه عندي ممكن يهم أي حد إنه يعرفه
ولما ما لقيتش.. اعتبرته فضفضة كده وخلاص
:))
((بالنسبة لسرك نمرة (2)
أنا مشفقة عليك ! .. وأكبر غلطة أهل الولد بيعملوها فيه إنهم يقولوله "الرجالة مبتعيطش" .. العياط مريح جدا وإنت أكيد عارف ده ، مش عارفة أقولك إيه بس الله يكون في عونك ..))
بيني وبينك.. هو فعلا الصح إن الراجل ما يبكيش.. على الأقل مش عمال على بطال
ما ينفعش يعني كل ما يتزنق شوية يقعد يبكي!
:)
المشكلة لما الموضوع يتطور زي ما حصل معايا كده
تبقى حالة وفاة.. حد قريب.. كان بيحبني وكنت باحبه
أبقى زعلان عليه، لكن الإحساس ده ما يحصلوش أي تفريغ شحنات
((إن شالله حتى بتلعب بليّ :)) ))
ياااااااه فكرتيني بالذي مضى
كنت باحب البلي، بس مش بالاقي حد يلعب معايا كتير
D:
((أيوه ده عيب ، عشان إحنا للأسف في زمن مطلوب مننا فيه نجامل و ندادي و نطبطب عشان أمورنا تمشي))
أنا مش مضايقني غير إني باحاول أكون
neutral.. مش أكتر
يعني مهما كان.. لو حد ما باحبوش.. مش لازم أقعد أنفخ فيه، لكن ما بابقاش عايز أقلل منه برضه
مش عارف بقى.. الشخص اللي يعرفني اللي قال لي إني بيبان عليا، يقصد إنه باتعامل مع الشخص التاني ده وحش؟ ولا بيلاحظ بس إني مش على طبيعتي (بما إنه عارفني، وعارف أكيد إني باحب أهزر وكده)
هو إحنا -كبنات- إيه اللي بيخلينا نعيط بمعدل أعلى من الولاد ؟
أعتقد الموضوع له علاقة بالفسيولوجي والهرمونات .. مش هفتي برضه أنا مش دارسة الكلام ده ، بس ده اعتقاد شخصي ..
وبناءً عليه ، الولد كده كده مش هيعيط بنفس المعدل عشان هو عنده نفس الهرمونات دي بنسبة أقل بكتير من البنت .. بس عالأقل يدمّع حتى لتأثره بشئ أو بموقف .. إنما حالة الجفاف الكلّي دي .. صعبة بجد .. كده هتنفجر !!
وعلى فكرة بقى .. كتير من الأهالي بيبصولها إن دي حاجة "عيب" ، مع إني -كبنت- بقدر جدا الرجل الذي لا يخشى الإفصاح عن حزنه أو ضيقه بالبكاء :)
على فكرة عندي كيس مليان بليّ ... وبرضه مكنتش بلاقي حد يلعب معايا فكنت بلعب ضد نفسي .. و كذلك الشطرنج ، والدومينو ، والكوتشينة ، والطاولة (آه بعرف ألعب طاولة ☺ ) .. كل ده مع نفسي تماما .. طفلة وحيدة مجنونة
☺
أعتقد إنه بيحس إنك مش مرتاح .. لغة الجسد دي خطيرة ، و بتطلع غصب عننا للأسف ، وهي اللي بتفضحنا
:(
إسلام ... تعليقك أطول من تعليقي .. إذن أنت رغايّ
:))))))
:)
لا مجنونة ولا حاجة
ما الولاد دايما يلعبوا بالعربيات الصغيرة دي لوحدهم
السؤال بقى..
لو حبيتي تعملي خدعة في اللي بيلعب قصادك.. هتعمليها إزاي؟؟
D:
الغريب بقى إن الرجالة يقضوا نص عمرهم على القهوة بيلعبوا طاولة.. ولما يلاعبوا الستات يخسروا.. مش فاهم ليه!!
تعليق صغير آهو
:))))))
كان عندي من العربيات دي على فكرة :))))) بس ضاعوا كلهم..
أنا مكنتش طفلة مولعة بالعرايس والدباديب .. كنت بحب حاجات معينة ... زي القطر و المكعبات و البازل ... وأحيانا كنت بلعب سيجة (إوعى تكون متعرفهاش) في وسعاية كده عند جدتي :)
"الغريب بقى إن الرجالة يقضوا نص عمرهم على القهوة بيلعبوا طاولة.. ولما يلاعبوا الستات يخسروا.. مش فاهم ليه!!"
فيه 3 احتمالات :
إما عشان مش بيلعب بتقله زي ما بيلاعب الراجل ... بيبقى شايفها ست بقى وخيبة ومش فاهمة الخدع .. فبيريح ... وبالتالي يخسر :)
أو .. بيركز في طريقتها في اللعب أكتر ما بيركز في اللعبة نفسها .. بترمي الزهر إزاي ، بتحرك القشاط إزاي ... على أساس إن مش كل يوم بيلاعب واحدة ست :)))
أو .. متعمد يسيبها تكسب :)
إديتلك اختيارات أهو :)))
أو فيه احتمال رابع
خسر عشان خسر .. زي ما بيخسر قدام راجل
عادي :)
ممكن فعلا
:))))))))
عارفها السيجة طبعا
كانت بتفكرني بالـ X/O
تصدق عاوز أشوفك تاني يا إسلام.
ربنا يسهل و يكون قريب.
بس اوعى تكون بتتخنق مني
:)
:))
لأ إزاي.. ده انت تنورني
شوف إنت هتبقى موجود امتى، ونرتب اليوم مع بعض
حاسس بيك والله .
1 و 2 و 4 و 5 !
أنا ,,,
ده أنا فعلاً :)
بيني وبينك:
مدونتك دي مدونة رائعة من ناحية التصميم والمحتوى.. سجّل عندك قاريء جديد :)
سلامات.
أوعى تطلع "أنا" في الآخر وقايم بدورين
:))
ألف شكر يا سالم.. تنورني وتنور المنتدى يا ريس
إرسال تعليق